كلمات ليلية

السلام عليكم ورحمة الله وبركاتة

انا كاتب حاجة بسيطة على قدى ويارب كلامتها تعجبكم طبعا انا لا شاعر ولا حاجة بس انا كتبت الكلمات دى فى لحظة جرح واعتبروها فضفضة

وعلشان مطولش عليكم اتفضلوا سطورى



اه يا قلبى من زمن كترت فيه الخيانة والوشوش



اه يا قلبى من اللى كسر قلبك وكدب عليك ومقدرهوش



هانعمل ايه ؟ ..بقينا نشيل كتير ومحدش فكر يحوش



حتى اللى حبك خانك وكسرك وهانك وقال ايه بيحبك



لسة فاضل ايه تانى يا قلبى مجرحكش ... متقلش ... موجعكش



بقيت شايل قلبى وكأنى شايل كفنى بين اديا



ماشى فى سكة طويلة لا عارف بداية ولا عارف نهاية هى ايه الحكاية



دة حب ولا استهتار ... ناس بتحب وتعشق وناس بتنهار



سكوت وصمت شايل ... بنادى بأعلى صوت وصوتى مبحوح



وديت قلبى بأديا للنار ... يارب حوش



مكتوب عليك يا قلبى الجرح حتى فى وضح النهار



طلع اللى جواك يا قلبى واوعى تنهار



من غيرك ما اقدر اعيش ولا يطلع عليا نهار



مين فى زمن الوحوش يقدر عنك يحوش



وانت اغلى ما عندى وكنت رخيص فى زمن الناس بقيوا فى الحب تجار شطار



اه يا قلبى من زمن فيه الاصيلة تحت التراب والرخيصة فى برج عاج ... ينهار ( ضع شدة فوق حرف النون )



بدور عليكى يا اصيلة تصونى قلبى وانا اسهر لياليكى وبكرة النار تصبح رماد